Qeveritë e Shqipërisë dhe Kosovës janë marrë vesh për tre vendime të rëndësishme

Qeveritë e Shqipërisë dhe Kosovës janë marrë vesh për tre vendime të rëndësishme, me impakt konkret, që do të fuqizohen këtë javë:

Njësimi i abetares në të gjitha shkollat e Shqipërisë dhe Kosovës (vetëkuptohet, jo në ato të minoriteteve gjuhësore).
Lejeqëndrimi e leja e punës do të fitohen fare lehtë, veç me një regjistrim, edhe për shtetasit e Kosovës në Shqipëri edhe për ata të Shqipërisë në Kosovë.
Do të njihen kontributet dhe sigurimet pensionale të shtetasve të punësuar apo vetëpunësuar në të dyja vendet, pra edhe nëse i ke paguar disa muaj në Shqipëri sigurimet pensionale sepse ke punuar atje gjatë verës, ato do të njihen, si edhe anasjelltas./mekuli press