Është arrestuar kryetari i Komunës së Kllokoit, Bozhidar Dejanoviq. Lajmin e ka bërë të ditur Prokuroria Speciale e Kosovës përmes një njoftimi. Bozhidar Dejanoviq është ndaluar për 48 orë ndërsa po dyshohen për kryerjen e veprës penale “Cenim i përcaktimit të lirë të votuesve”.
“Prokuroria Speciale e Republikës së Kosovës, njofton opinionin publik se, sot, ka ekzekutuar Urdhrin e Gjyqtarit të procedurës paraprake, për kontrollimin e Objekteve të Komunës së Kllokotit, në lidhje me një hetim që është duke zhvilluar ndaj Kryetarit të Komunës, të pandehurit Bozhidar Dejanoviq, nën dyshimin se ka kryer veprën penale “Cenim i përcaktimit të lirë të votuesve” e paraparë dhe sanksionuar me nenin 210 të Kodit Nr. 06/L-074 Penal të Republikës së Kosovës ( tutje ‘’KPRK’’)”, thuhet në njoftim.“Mbi këtë bazë, me vendim të prokurorit të çështjes u vendos ndalimi dhe arrestimi i të pandehurit, Bozhidar Dejanoviq, për 48 orë, dhe brenda afati ligjor do të paraqitet para Gjyqtarit të procedurës Paraprake”, përfundon njoftimi.
Sot, Policia e Kosovës njoftoi se po realizon një aksion pas dyshimeve për manipulime me vota.
