Kush dhe pse është kundër banorëve në Sanxhak që të deklarohen shqiptarë?

A ka filluar gara në mes sandzakpress.net dhe sandzacke.rs se cili do të jetë më i zëshëm dhe më besnik ndaj porositësve?

Deri sa dr. Sulejman Uglanin themelues dhe kryetar i PAD-it të Sanxhakut, gjithashtu  edhe  themelues i Këshillit Nacional Boshnjak, e  inkurajon deklarimin e lirshëm qytetar,  e që është tërësisht e ligjshme dhe e moralshme,  sandzakpress.net bënë presion medial mbi qytetar, ashtu siç ka bërë në vazhdimësi pushteti komunist nga viti 1945 e këtej.

Në lidhje me  ftesën e  kryetarit të PAD-it të Sanxhakut (SDA Sandžaka)  Sulejman Uglanin që ua bëri  qytetarëve  që në Regjistrimin e ardhshëm të deklarohen ashtu siç ndjehen, portali sandzakpress.net konstaton se: “në at mënyrë i ka  hapur kështu rrugë  manipulimit  dhe  përhapjen e propagandës në mesin e boshnjakëve”.

Mandej sadzakpress.net shton; “Në vend që t’i ftoj boshnjakët  të deklarohen si boshnjak, e jo si Musliman, të tjerë ose, së paku shqiptar, ai bëri diçka që i shkon përshtati projektit të shqiptarizimit të Sanxhakut, të cilin po e bëjnë lobuesit në krye me Ismet Azizin”.

Akuzat e tilla na bëjnë të kuptojmë se , tashmë ka filluar gara në mes  këtij portali dhe  sandzacke.rs, se cili do të jetë më i zëshëm dhe më besnik ndaj porositësve.

Aq larg shkon ky portal sa që konsideron ftesën që qytetarët të deklarohen “ashtu siç edhe  ndjehen, e quan “tragjike dhe se  “Shumë njerëz konstatojnë se bëhet fjalë për  një mesazh dinak  në marrëveshje me lobistët shqiptarë që një pjesë e boshnjakëve në Regjistrimin  e ardhshëm të deklarohen shqiptarë.

Akuzat tjera ndaj Ismet Azizit dhe bashkëpunëtorëve të tij,  janë  konspiracion, paranojë e atyre që qëndrojnë prapa sandzakpress.net, me qëllime të qarta. Sandzakpress.net në vend se të jetë media e pavarur në interes të informimit të qytetarëve, duket se ka  mision tjetër atë të shërbimit të qarqeve të caktuara që ata mund ti dinë më mirë, por që nuk përkojnë me interesin e qytetarëve të Sanxhakut, pa dallim.