Klinika e Neurologjisë me shërbime të reja mjekësore

Klinika e Neuroligjise me shërbime të reja edhe pse shumë e ngarkuar me persona te prekur nga covid-19 , ka arritur me sukses te aktivizoj hapsira dhe shërbime të reja , te rendesishme për trajtimin e pacientve me probleme shëndetsore neurologjike , ka njoftuar Qendra Klinike Universitare e Kosovës bë rrjetin social facebook .

Postimi i plot

Klinika e Neurologjisë me shërbime të reja mjekësore

Ndonëse e ngarkuar me trajtimin e personave të prekur me COVID -19, në një pjesë të konsiderueshme të vitit 2020, Klinika e Neurologjisë në QKUK ka arritur me sukses të aktivizojë hapësira dhe shërbime të reja, shumë të rëndësishme për trajtimin e pacientëve me probleme shëndetësore neurologjike.

Është funksionalizuar reparti për trajtimin e pacientëve jashtë spitalor, ambulanca emergjente, hapësira për trajtimin e aksidentit akut iskemit trunor me trombolizë dhe qendra për strok.

Janë funksionalizuar ambulancat specialistike, neurofiziologjike, neuropsikologjike, hapësirat për trajtimin e pacientëve me Sklerozën Multiple dhe ka filluar projekti nacional për SM, me të cilin të gjithë pacientët mbulohen me terapi imunomoduluese.

Gjithashtu, është trajnuar stafi dhe janë përpiluar protokollet për sëmundjen iskemike trunore, epilepsi dhe Skleroze Multiple.

Vitin e shkuar, në Klinikën e Nuerologjisë janë kryer 6 mijë e 252 vizita ambulatore, 1mijë e 603 ekzaminime EEG, 819 ekzaminime EMNG, 659 ekzaminime Doppler, derisa janë ofruar 1 mijë e 422 shërbime në Kabinetin e Sëmundjeve Demilinizuese.