Hotelieria dhe gastronomia që ndodhen në komunat në zonë të kuqe do të punojn nga ora 05:00 deri në 21:00

Ministri i Shëndetsis Armend Zemaj sot në koferencen për media për ka folur për gjendjen aktuale lidhur me covid-19 , dhe ka trefuar pêr masat specifike sipas komunave
Ai ka treguat se komunat që ndodhen në zonën e verdhë dhe të gjelbër kanë bërë lëvizje të orarit për sektorin e gastronomis.
Operatoret ekonomik , qëndrat tregtare , hotelieria dhe gastronomia lejohen të punojnë nga ora 05:00 deri 22:00 .
Ndërsa për komunat që ndodhën në zonën më rrezikshmeri të lart apo në zonën e kuqe orari për operatoret ekonomik , qendrat tregtare , hotelieria dhe gastronomia lejohen të punojn nga ora 05:00 deri në ora 21:00.

Postimi i plotë i ministrit Zemaj

Të nderuar qytetarë,
Keni më poshtë adresimin tim në konferencën e sotme për media lidhur me çështjet më aktuale lidhur me COVID-19 në vendin tonë.

MASAT SPECIFIKE SIPAS KOMUNAVE

Për komunat të cilat kategorizohen në zonën e verdhë dhe të gjelbër kemi bërë lëvizje të orarit sa i përket gastronomisë:

Operatorët ekonomik lejohen të punojnë nga 05:00-22:00.

Qendrat tregtare lejohen të punojnë nga 05:00-22:00.

Shërbimet e hotelierisë dhe gastronomisë lejohen të punojnë nga 05:00-22:00, ndërkaq pas orës 22:00 punojnë vetëm me shërbim “porosi me dërgesë”.

Institucioneve vartëse të MKRS dhe komunave, lejohet po ashtu të punojnë deri në orën 22:00 duke shfrytëzuar deri në 40% të hapësirës/sipërfaqeve të objekteve përkatëse për të gjitha aktivitet (si në shfaqje ashtu edhe në ushtrime), duke respektuar “Manualin për mbrojtjen nga përhapja e Covid-19”,

Ndërsa Masat për komunat me rrezik të lartë lëvizja e qytetarëve do të vazhdoj të jetë e ndaluare nga ora 21:30 deri në orën 05:00, përveç për nevoja emergjente dhe shëndetësore të dokumentuar në mënyrë të përshtatshme, duke përjashtuar nga kjo masë personelin shëndetësorë, të sigurisë, të drejtësisë dhe të ngjashme;

Po ashtu ndalohen hyrje-daljet e qytetarëve dhe automjeteve në territorin e komunës përkatëse nga ora 21:30 deri në orën 05:00.
Operatoret ekonomik lejohen të punojnë nga 05:00-21:00.

Qendrat tregtare lejohen të punojnë nga 05:00-21:00.

Shërbimet e hotelerisë dhe gastronomisë lejohen të punojnë nga 05:00-21:00, ndërkaq pas orës 21:00 punojnë vetëm me shërbim “porosi me dërgesë”.

Ndërsa qytetarët e huaj që hyjnë në Kosovë, përfshirë edhe ata me leje qëndrim të përkohshëm ose përhershëm në Kosovë, që vijnë nga vendet me risk të lartë sipas listës zyrtare të ECDC-së, duhet të kenë test RT-PCR negativ për Covid-19 të bërë në 72 orët e fundit, në bazë të parimit të reciprocitetit.
I vetmi autoritet që mund të interpretojë këtë vendim është Ministria e Shëndetësisë, ndërkaq çdo institucion tjetër mund të ofrojë sqarime për grupet respektive që preken nga ky vendim vetëm pas miratimit të atij sqarimi nga ana e Ministrisë së Shëndetësisë.

Secili vendim duhet të respektohet nga secili nga ne, lirimi i sotëm i masave nuk nënkupton që ne nuk mundemi sërish të kthehemi prapë në mbyllje nëse kemi keqësim të situatës epidemiologjike siç po ndodh nëpër shumë vende të rajonit .

Prandaj ky lehtësim i vogël i masave le të nënkuptohet si një përgjegjësi për ti zbatuar ato edhe më mirë dhe për t’i dhënë një shtytje funksionimit më të mirë të sektorit të ekonomisë dhe jetës së qytetarëve.

Sot, po ashtu kemi edhe kategorizimin e ri të komunave, sipas numrit të rasteve të COVID-19 në 100.000 banorë brenda një jave.

Në zonën e kuqe janë 9 komuna:
Prishtinë, Fushë-Kosovë, Obiliq, Podujevë, Mitrovicë e Veriut, Mitrovicë e Jugut, Zveçan, Zubin Potok dhe Leposaviqi.

Në zonën e verdhë janë 6 komuna:
Vushtrri, Gjilan, Lipjan, Suharekë, Shtime, Viti.

Në zonën e gjelbërt janë 23 komuna:
Pejë, Kllokot, Ferizaj, Malishevë, Deçan, Kamenicë, Skenderaj, Rahovec, Junik, Gjakovë, Shterpcë, Klinë, Istog, Novobërdë, Prizren, Drenas, Kaçanik, Hani i Elezit, Dragash, Graçanicë, Mamushë, Partesh dhe Ranillugë.