Emine Imeri : Bac, (s)u kry

Bac, (s)u kry

Dje, per 22vhetorin e sulmit te pare ne lagjen Jashari, (qe si sot i mbaje ne mend ato krisma), i pash neper fotografi shume opozitare t’Kosoves, (qe i kane karrikat me nxemje neper zyret e tyre), kishin shkuar tek varri yt me ca lule pa arome, per me t’nderu ty e te renet rreth teje.
O Bac.. Ti dhe sakrifica e atyre te reneve eshte unike ne rruzullin tokesor. Ju ka nderuar Zoti tashme.
Ata “nuk e dine” qe jane t’pandershem, e i pandershmi s’mundet me nderu askend e lere me heronjte.
Hasret po i presin keto data, me i thirr fotografet e vet, pas 2minutave me i shpernda fotografite qe “e kane bere namin” neper pervjetore.

Bac, disa femije t’luftes qe i ke lene amanet per kombin, edhe disa te tjere qe i lindi liria e Kosoves, ata po ikun o Bac..
Krahet e Kosoves, kam frike se s’kane me pas me kend me marr ne gji.. Iken Bac, neper rruget e Evropes jane be si lypsare per ardhmerin e tyre.
M’fal te lutem, shume po m’dhimbsesh qe s’po mundem si me te ndihmu e me ta largu ate perden e zeze qe ta kane vu mbi qepalla, prej frikes qe mos po i sheh..
Por mos ke merak, se ka me fry nje fryme e madhe, ka me fluturu ajo perde e zeze me ra mbi ata faqezinj, qe ty e Kosoven e kishin pas dashte veç sa per me u mburre me emrin tuaj.

Tregom Bac, a eshte burre ai qe s’e mbane fjalen, se kur po i pyes hipokritet po m’thone; “ne jem burra” veç as ne pamje me s’po me duken si te tille.
M’ka thene babagjyshi se “burri dallohet kur ben vepra t’burrnise” e shumica e kryetareve, parlamentareve, drejtoreve, etj. veç titujt i kane se asnje veper nuk po e bejne te pershtatshme me titullin e tyre.

Artistet, sportistet e t’gjithe ata qe po e lartesojne emrin e Kosoves tende Bac, sot i gjen para dyerve te ambasadave.
Çka me lyp ne nje vend kur jetojne si lypsaret.
Edhe mirenjohjet ua japin veç nese kane ndonje interes prej tyre, mos t’flas per perkrahje financiare..

M’fal, amanet, se jam mbet mes dy zjarreve, me t’forta se zjarri i luftes, se kush ma shume s’po ta djeg’ka shpirtin, se zjarri i shqiptarit.
A me u nis me kerku t’ardhmen, a me ndejt ketu ku punohet per shkaterrimin e te ardhmes ?

Bac, Mitrovica u mbet jetime
Fatin e Kosoves e kane lene ne duart e botes!!!

Çohu, ndihmona 🙏🏻
Bac, çohu se veç “bacat” dojne me mbet ne Kosove!!!